CHAPTER 24

“Ask Klarisse about it. Baka may alam siya. Convince her to tell you the truth, in that way mo lang siya matutulungan. Sa tingin ko kasi talaga ay malaki ang kinalaman ng nangyari 5 years ago kung bakit naging ganito ang buhay ni Klarisse ngayon. Matalino si Klarisse kaya hindi siya mahihirapan na magtrabaho sa malalaking kompanya kung sakali mang gusto niyang hiwalayan si Nathan. Maybe, Nathan is blackmailing her kaya ganoon na lang ang kapit niya sa asawa niyang gago. Basta, iyan ang paniniwala ko. So for now, I got to go. Sa personal na lang tayo mag-usap.”

Parang nagising sa mahabang pagkakahimbing si Michael dahil sa sinabi ni Honey sa kabilang linya. Natauhan siya kaya naman agad siyang nagsalita bago pa man nito putulin ang linya sa pagitan nila.

“Wait, Honey.”

“Oh? May problema ba?”

“Just wait for us there, okay? Darating kami.”

“Paano ang expenses ko, Sir?” natatawang tanong nito pero wala siyang panahon para tumawa. Kailangan niyang malaman ang totoong nangyari 5 years ago.