Chapter Eleven

Magkasama sila maghapon.

Nalipat sa suite nito ang bag niya sa kanyang booked room kaya nakapagpalit siya ng damit. Saka sila bumaba at naglakad sila sa beach, kumain ng seafoods sa isang seaside restaurant sa ibang resort sa isla, at nakipagkwentuhan sa ibang guests at tourists sa barbecue party ng hotel noong gabing iyon.

Naglangoy sila sa dagat. Nakasuot siya ng bikini na binili niya sa hotel boutique at naglaro at nagharutan sila ni Jigo sa mga alon. Nakaalis na ang halos lahat sa mga naging bisita ng kasal pero kung mayroon mang mga natira, hindi na niya inisip pang mag-alala kung wala rin namang pakialam si Jigo.

Maliban siguro kung si Lola Leah nito ang naroroon pa, pero ang sabi nito ay nagpahatid na ang matanda pauwi kagabi pa sa private plane kasama ang ibang elderlies dahil may lakad ang mga ito ngayon. Inamin nitong isa si Lola Leah sa mga nagbilin sa kanyang bantayan siya nito.

“But I would have still done it kahit walang utos. I just want you to know that I’m not the