Chapter Twenty

“Jigo, nagba-vibrate na naman ang phone mo,” sabi niya rito. Nakapatong ang gadget sa ibabaw ng nightstand at ilang beses na iyong nagparamdam.

Nagbuntunghininga ito, saka isinubsob ang mukha sa liko ng leeg niya at balikat habang niyayakap siya nang mahigpit.

Matapos ang ilang sandali ay tumihaya siya ng higa para makita niya ang mukha nito. “It’s Monday. Baka natataranta na si Maria sa opisina.”

Marahan itong tumango habang nakatingin sa kanya.

Nginitian niya ito. “Punta ka na lang uli rito kapag may free time ka na.”

Pinisil nito ang pisngi niya. “Let’s go out.”

Nakagat niya ang ibaba niyang labi. Naramdaman na niya iyon, na may sasabihin itong ganoon. At sa totoo lang, naisip na rin niya ito noong na-miss niya ito kahapon.

Akala pala nito ay buong weekend silang magkakasama ng kanyang mga kaibigan. Pero may pampamilyang lakad sina Kacey at Joana, habang s