Chapter Ten

Nakatitig sa kanyang cellphone si Fae. Hapon na. Nasa balcony siya ng suite ni Jigo, nakahiga sa isa sa mga recliners doon at nakaharap sa magandang tanawin ng karagatan sa baba. Pero bahagya na niya iyong napapansin.

Ang daming missed calls sa kanyang phone.

Nag-aalala ang kanyang mga kaibigan sa kanya—sina Kacey, Pam at Joana. Ayaw sana siyang paalisin ng mga ito para um-attend sa kasal kung mag-isa lang siya pero dahil last minute niyang sinabing tutuloy siya rito, hindi ang mga ito nakapaghanda para masamahan siya. Sinadya niya iyon dahil sa mismong dahilang iyon. Ayaw niyang ma-witness pa ng mga ito sakali ngang mapahiya siya. There was no question they would have been all over her, supporting her and taking care of her, but she didn’t want this. Hindi niya gustong ma-trauma ang mga ito kung nakita siya kahapon. May parte rin sa kanya na gustong hindi na lumala pa ang galit ng mga ito kay Carl kaysa nararamdaman na ng mga ito bilang mga kaibigan niya.

Mabuti na lang naging maut