Chapter 21

“Hindi naman masyado, pero kasi strict siya kapag pumalpak ang trabaho ng grupo niya kaya kailangan mo maging maingat pagdating sa trabaho. Huwag mong hahayaan na pumalpak ka. Makinig ka ng mabuti sa akin. Lahat ng ituturo ko sa’yo pag-aralan mo ng mabuti.” Tumungo ako at napahigpit ang hawak sa folder.

Nakakakaba naman ang sinabi ni Tita. Paano kaya kapag pumalpak ako sa trabahong ‘yun?

“Tita, ano po ang sasabihin natin kay Daylon mamaya kapag nakita niya ako na ganito ang mukha?” Kinuha ni Tita ang lalagyanan ng contact lens at binigay sa akin.

“Tanggalin mo na ‘yang contact lens mo. Hindi naman niya ‘yan mapapansin agad-agad dahil gan’yan pa rin ang suot mo.” Tinignan ko ang suot ko na oversized t-shirt at short.

“Sana nga po, Tita. Parang mahihiya po kasi ako kapag sinagot ko siya dahil nakita po natin siya na may kasamang babae kanina.”

“Huwag na natin pag-usapan ang mga ‘yan, Allianna. Umalis na tayo rito dahil madami pa tayong bibilihin na damit para sa company.”

“Kailangan po