CHAPTER 35

NATHAN'S POV

TUMAKBO AKO NANG sobrang bilis nang makarating ako sa bahay. Nadatnan ko naman silang naglalaro ng baraha kasama si Leexiya ganda.

Mga sugarol!

Gusto kong sumali kaya lang may ibabalita ako na maganda kay bossing. Pass muna sa ganiyan.

"Uy! Nathan sali ka na tig-sampong piso 'yung taya sa gitna!" aya sa akin ni Leexiya.

"Oo mamaya, may gagawin lang ako saglit. Ba-bye!"

Nagmamadali akong tumakbo papuntang hagdan, nasa kalagitnaan ako nang pagtakbo ko nang hindi ko mapansing may tubig pala sa naapakan ko kaya naramdaman kong na out of balance ako at hindi na naabot ng kamay ko ang hagdanan.

"Aray!"

Ramdam ko ang pag yanig ng buong katawan ko at pag-ikot ng paningin ko dahil sa pag-gulong gulong dito sa hagdan. Mas lalo akong nakaramdam ng sakit nang biglang tumunog ang mga buto ko at biglang napa-tumbling Naramdaman kong lumapat ang buo kong katawan sa sahig at pati na rin ang bibig ko.

"Pwe! Pwe! Bwesit!! Malas!" Pinipilit kong tumayo pero pakiramdam ko namanhid ang mga tu