Chapter 47

Amber Pov

"Aalis na po ako, Lolo," paalam ko kay Lolo Fidel, kinuha ko ang bag ko at isinukbit sa aking balikat pagkatapos ay naglakad ako palabas ng bahay.

"Mag-iingat ka palagi sa pagmamaneho, Amber," pahabol ni Lolo.

"Opo," pasigaw na sagot ko para marinig niya.

One week na magmula nang mag-resume ang klase kaya pumapasok na ulit ako sa school. Mas nakakapag-pokus na ako ngayon sa aking pag-aaral dahil wala na akong part-time job na inaalala.

Pagdating ko sa school ay ipinarada ko sa gilid, malapit sa may main gate ang kotse ko. Puwede ko namang ipasok sa loob ang kotse ko at doon na lamang iparada dahil may parkingan naman sa loob ngunit mas gusto kong dito sa labas lamang mag-park ng kotse.

Gusto kong maglakad mula sa may gate papunta sa classroom namin. Ninanamnam ko kasi ang bawat segundo, minuto at oras na nandito ako sa school. Dati kasi kaag pumapasok ako sa school ay palagi akong nagmamadali kaya hindi ko man lang ma-enjoy na tanawin ang magandang kapaligiran ng school na