Chapter 51

Amber Pov

Pagkatapos naming mag-usap ni Migz ay sabay na kaming nagbalik sa table namin. Nagulat ako nang makita kong lasing na lasing na si Phil.

"Ano ang nangyari sa kanya? Bakit lasing na lasing siya?" tanong ko kay Mildy nang maupo akong muli sa aking upuan. Halos kalahating oras lamang akong nawala tapos pagbalik ko ay makikita kong lasing na lasing na si Phil? Ang bilis naman niyang malasing.

"Wala kaming kasalanan kung bakit nalasing ang pinsan mo, Amber. Pag-alis mo ay halos ubusin na niya ang laman ng alak na binili niya," si Henry ang sumagot sa tanong ko kay Mildy.

"Amber, nandito ka na pala. Anong ginawa niyo ni Migz sa banyo at ang tagal niyong bumalik dito?" tanong ni Phil sa akin, namumungay na ang mga mata niya sa sobrang kalasingan. Ngunit nakakabilib na kahit lasing na lasing siya ay straight pa rin siyang magsalita.

"Guys, mauuna na akong umuwi sa inyo. Nakita niyo naman ang pinsan ko, kailangan ko nang iuwi sa bahay," paalam ko sa mga kaklase ko. "Happy birthday ul