Chapter 48

Amber Pov

Panay ang paghugot ko ng palihim at malalim na buntong-hininga habang nakaupo ako sa tabi ng driver's seat na minamaneho ni Phil. Madalas din akong sumusulyap sa kanya kapag hindi siya nakatingin sa akin. Hindi ako mapakali. Malapit na ako sa school namin pero until now ay hindi ko pa rin magawang masabi sa kanya na late akong uuwi mamaya dahil a-attend nga ako sa maliit na salu-salo na inihanda ni Migz sa restaurant na malapit lang naman dito sa school namin. Nagsabi na siya sa amin na nakapagpa-reserved na siya sa restaurant. Nakakahiya kung hindi ako sisipot doon dahil maliban sa nakapangako na ako sa kanila ay nabayaran na rin ni Migz ang restaurant. Per head kasi ang bayad sa restaurant na kakainan namin mamaya.

Hindi ko alam kung ano ang nakain ni Phil at bigla niya akong hinatid ngayon papasok sa school. At hindi ko rin alam kung susunduin ba niya ako mamayang uwian. Nang huminto sa tapat ng school gate ang kotse niya ay ipinikit ko ang aking mga at muling humugot ng