Chapter 46

Amber Pov

Hanggang sa makarating kami sa bahay ay tahimik si Phil at walang kibo. Ngunit ramdam ko ang tinitimpi niyang galit sa akin.

Nauna siyang pumasok sa bahay at deretso agad siya sa aming silid. Hindi naman agad pumasok sa loob ng silid namin dahil masyado akong nate-tense sa ipinapakita niyang ugali. Ngunit hindi naman maaaring dito na lamang ako manatili sa labas ng silid at nakatayo lamang. Humugot ako ng malalim na buntong-hininga pagkatapos ay nagdesisyon akong pumasok na sa loob. Kailangan kong harapin ang galit niya. Hindi naman siguro niya ako sasaktan ng pisikal dahil lamang lumabas ako kahit na ipinagbilin niya na hindi ako maaaring lumabas dahil nga delikado ang sitwasyon ko ngayon.

Pagpasok ko sa loob ng silid namin ay naabutan ko si Phil na umiinom ng alak habang nakatayo malapit sa kama. Mabagal na naglakad ako papunta sa kama. Ingat na ingat ako na hindi makagawa ng ingay ang aking mga paa na para bang may halimaw na magigising kapag lumikha ako ng kahit maliit n