Chapter 45

Amber Pov

Pagkalabas ko ng ospital ay hindi muna ako pinayagan ni Phil na lumabas ng bahay. Masyado raw delikado at ayaw niyang maulit ang masamang mangyari sa akin. Hindi pa kasi nahuhuli ng mga pulis ang mga taong sakay ng kotseng itim na nagtangka sa buhay namin ni Tita Aloha.

Sa una ay kinikilig ako sa tila paghihigpitsa akin ni Phil at pagpapakita ng labis na pag-aalala. Walang reklamo na sinunod ko ang gusto niya. Ngunit habang tumatagal ay masyado na akong nabo-bored sa loob ng bahay. Wala akong ginagawa kundi manood ng telebisyon, kumain, magbasa ng pocket book at matulog. Nakaka-bored ang araw-araw na ganitong routine.

"Alam kong masyado ka nang nabo-bored sa loob ng bahay, Amber. Gusto mo bang lumabas at magsaya?" tanong sa akin ni Lolo habang nakaupo kami sa couch at kumakain ng banana cue na niluto ni butler slash chef na si Felix.

"Opo, Lo. Bores na talaga ako. Pero tiyak na uulanin ako ng sermon ni Phil kapag nalaman niyang hindi ko siya sinunod," naka-pout ang nguso na