Chapter 44

Amber Pov

Mahinang ungol ang namutawi sa aking mga labi habang pinagbabalikan ako ng aking malay.

"Amber. Gising ka na? How are you? Ano ang masakit sa'yo?"

Narinig ko ang nag-aalalang boses ni Phil. Hindi ko pa man naimumulat ang aking mga mata ay kinakausap na niya ako.

Unti-unting iminulat ko ang aking mga mata. Sa kabila ng nararamdaman kong sakit sa aking katawan ay nakaramdam pa rin ako ng saya nang makita ko si Phil na nakatayo sa aking tabi at nakahawak sa isa kong kamay. Lihim akong kinilig nang dalhin niya sa kanyang mga labi ang aking kamay at marahang hinalikan ang likuran ng aking palad.

"Phil," paos ang boses na sambit ko sa pangalan niya.

"May nararamdaman ka bang masakit sa'yo? Sabihin mo sa akin at tatawag ako ng doktor," hindi pa rin nawawala ang pag-aalala sa mukha niya ngunit naroon naman ang tuwa na makitang gising na ako.

Mahinang umiling ako. Masakit ang katawan ko na para bang binugbog ako ng sampung kalalakihan at masakit din ang bahagi ng aking ulo dahil na