Chapter 28

NAGING maayos sina Reighn at Dylan pagkatapos niyang makauwi galing kina Zoe noon, pero pansin niya na parang may nag-iiba sa dalaga. Hindi niya alam kung ano, pero unti-unti niyang tinatanong sa sarili kung baka siya rin ang naging dahilan ng pagbabago na 'yon.

"Saan ka galing?" bungad na tanong ni Dylan kay Reighn pagkapasok nito sa bahay.

Hindi man lang siya pinasadahan ng tingin ng dalaga at diretso lang itong naglakad patungo sa kuwarto. Walang nagawa si Dylan kung hindi ang sumunod sa dalaga.

"Hindi ka puwedeng alis nang alis, babe. Alam mo namang buntis ka, 'di ba? Paano kapag may nangyari sa iyo tapos hindi ko alam? Sana naman sabihin mo sa akin kapag may mga lakad ka para masamahan kita."

Pagkatapos sabihin ni Dylan noon na siya ang pinili nito ay bumalik si Reighn ng bahay, pero kahit na nandoon ang dalaga ay hindi niya man lang maramdaman ang presence nito. Madalas kasi na wala ito at kung nandito man ay minsan lang din siya kinakausap ni Reighn. Hindi niya alam kung galit