Chapter 45

Ang walang tigil na pagtunog ng aking telepono ang umistorbo sa aking pagtulog. Alas-tres pa lamang ng umaga ngunit inuulan na ako ng tawag.

"Manang Dory?" Binalot ako ng kaba nang makita ang pangalan ni Manang Dory sa telepono kaya kaagad ko itong sinagot.

Ang ingay sa kabilang linya ang bumungad sa akin.

"Manang?" ulit ko nang hindi siya magsalita.

"Sandra, nasusunog ang bodega!" humahangos nitong sabi.

Mabilis akong nagbihis at bumaba. Hindi ko na ginising pa si Kuya Joel at pinaharurot ang kotse patungong hacienda.

Halos magkasabay lamang kami na dumating ni Attorney Sheldon doon.

Maitim na usok na ang naabutan namin dahil naapula na ang apoy. 

"Ano po'ng nangyari? May nasaktan po ba sainyo?" tanong ko kaagad kay Manang Dory.

"Wala hija. Ang bodega lang ang nasunog pero walang nasaktan." Nakahinga ako nang maluwag sa sinabi niya.

Subalit kaagad din naman iyong naputol nang makita kong abo na lamang ang na