CHAPTER 32

“MAINIT yata ang ulo mo?” Tanong ni Carina, inilapag nito sa mesa ang dalang pine apple juice, “Magpalamig ka muna.”

“Bakit isinama mo rito si Tom?” Sita niya sa babae, “Kahit naman wala akong inilihim saiyo, it does not give you the right na kung kani-kanino ipakilala si Amanda?” Yamot na sabi pa niya, “Huwag mong sabihing pati ang tungkol dun sinabi mo na rin sa pinsan mo?”

“Hey,relax!” sabi ni Carina sa kanya, “You sounded like a jealous husband!” hindi niya alam kung natatawa or naiinis ang expression ng mukha nito habang nakatingin sa kanya.

Natigilan siya. Oo nga, bakit parang naaapektuhan siya sa presence ni Tom?

“Bakit hindi mo na lang hayaan si Tom na makipagkaibigan kay Amanda. Alam ng pinsan ko ang limitasyon niya. Besides, wala ka namang planong seryosohin si Amanda, right?”

Hindi siya sumagot.

Nilapitan siya ni Carina, “Genis, come on. Mas mabuti ngang may iba namang nakakausap si Amanda bukod sai