CHAPTER 33

NGINANGATNGAT nang selos si Amanda habang nagdidinner sila at pansin niyang magandang-magandang kumain si Genis sa mga niluto ni Carina. Napipikon na nga sya dahil simula Monday ay halos inaaraw-araw na nito ang pagpasyal sa kanila at nagluluto ng dinner. Daig pa nito ang asawa kung umasta at di niya alam kung sinasadya nitong isama pa si Tom para sa kanya naman mabuhos ang atnesyon nito at masolo nito ang kanyang asawa.

Manhid na nga yata si Carina, hindi makahalata na naiinis na siya. Nanadya yata porket alam nito ang dahilan kaya siya pinakasalan ni Genis. Ngunit kung talagang gusto nitong makipagkaibigan sa kanya, hindi ba dapat bigyan siya nito ng pagkakataon para mapalapit ang puso ni Genis sa kanya?

Ngunit ang lahat ng mga agdududa niya ay hindi niya isinasatinig. Sabi nga sa art of war, kung kaaway niya si Carina ay kailangan niyang mas maging madikit ditto.

“Hmm, mukhang nagustuhan mo talaga ang mga luto ko ah,” natatawang sabi ni Car