CHAPTER SEVENTY-FIVE: Surprise result

-KARINA-

NANGANGALUMATA pa ako nang mkarating ako ng Zambales. Hindi ako nakatulog. Gabi na ang flight ko dahil wala ng available flight. Mas mahal na nga ang kinuha ko para lamang makarating dito.

Dahil wala naman akong bagahe ay dumiretso na lamang ako sa hotel kung saan tumutuloy ngayon si Zeke.

Panay pa ang hikab ko habang naghihintay ng masasakyang taxi. Ilang beses ko na ring tinawagan si Zeke pero nakapatay ang phone niya. Sinadya yata niyang patayin ang phone para kapag tumawag nga naman ako ay hindi kami magkakausap. Mukhang ine-enjoy rin niya ang nalalabing sandali kay Celes. Wala siyang kamalay-malay na siya ang naloko ng babaing iyon. Mas matalino pa ring hindi hamak si Celes.

Dapat hindi na lang ako naghabol sa kanya hanggang dito. Hinayaan ko na lang sana siyang isiping nabihag siya ng sarili niyang hawla. Pero hindi ko kaya, masasaktan ako kapag nakita kong nasaktan si Zeke. Ilang buwan pa lang pero gustong-gusto ko na siya