Chapter 38

Nakita sila ni Ella Marie na may kasamang lalaki. Kasama nito ang kaibigan na si Clarissa. Gusto sana ni Ella Marie na lapitan sila ngunit hindi na nito ginawa dahil kasama nito si Clarissa na alam niya na galit sa dalawang magkaibigan. Mabilis naman silang pumasok sa sasakyan ni Clarissa at pinaharurot 'yon palayo sa lugar na 'yon.

"Si Ella Marie 'yon, 'di ba? Nakita niya kaya tayo?" tanong ni Gretta kay Andrea habang si Martin ay sinunsundan pa rin ng tingin ang sasakyan na sinakyan ni Ella Marie kasama ang kaibigan nito.

Kaagad naman na tumango si Andrea sa harap ng kaibigan niya. "Siya nga 'yon. Kasama niya ang kaibigan niya na bruha," nakangusong sagot ni Andrea. Kinukumpirma niya na si Ella Marie nga 'yon at wala nang iba pa.

"Nakita niya kaya tayo?" tanong pa ni Gretta kay Andrea na napakibit-balikat bago sumagot sa kanya.

"Hindi ko alam kung nakita niya tayo. E, ano naman kung nakita niya tayo? Wala namang problema, 'di ba?" tugon ni Andrea sa kaibigan at napatingin kay Marti