Chapter 39

Um-order ng maraming pagkain si Martin sa restaurant na kinainan nila ng dinner kasama ang dalawang magkaibigan na sina Andrea at Gretta para ibigay 'yon sa mga taong nasa kalye na hindi pa kumakain ng dinner. Pumunta rin sila sa isang fast-food chain para um-order rin ng ibang mga pagkain na ibibigay nila. Tulong-tulong naman silang tatlo.

Nang makumpleto na nila ang ipamimigay nilang pagkain ay simulan na nilang ibigay 'yon isa-isa sa mga taong nasa kalye. Binigyan lang nila ang mga taong walang makain. Pati ang mga nakatira sa ilalim ng tulay ay binigyan nila. May iilan rin na mga matatanda na sa kalye natutulog na binigyan ni Martin ng pera. Hindi lang pagkain ang ibinigay niya kundi pera na kailangan nito. Hindi mapigilan ng mga matatanda na hindi mapaluha sa kabutihan na ibinigay ni Martin sa kanila. Hindi rin maiwasan nina Andrea at Gretta ang maluha sa nakikita nila. Nadudurog ang puso nila sa nakikita na may mga matatanda na namamalimos para lang mabuhay na sa kalye na rin n