Alexie POV

Nakatingin lang ako sa asawa ko habang nakatanaw sa ibaba nabaling naman ang tingin ko sa taong umakbay sa akin.

"Balae, ang lalim yata ng iniisiip ng asawa mo," sabi ni Jia sa tabi ko nakatingin din pala siya sa asawa ko.

"Ganyan lang talaga siya sa tuwing may gumugulo sa isip niya gusto niyang mapag-isa." sabi ko na lang sa kaibigan ko humalukipkip na lang ako ng kamay ko.

"Pwede ko ba malaman ang kinamatay ni Emman noong buhay pa siya? Tinanong kita nang malaman namin na dinala nyo bigla sa hospital si Emman hindi mo ako sinagot nung araw na namatay siya pagkadala nyo sa kanya sa hospital." bulalas naman ni Jia sa akin bumuntong-hininga na lang ako hindi namin pinagkalat na may matinding karamdaman ang asawa ko.

Ayaw niyang kaawaan siya ng mga nakakakilala sa kanya nung panahon na 'yon dumagdag sa kanya ang stress nang malaman niyang may sakit siya noon.

"Prostate cancer ang kinamatay niya noong panahon na 'yon kaya pumayat siya at tuluyan na kaming lumayo sa limelight ng showbiz.