CHAPTER 29

Naging tahimik ang mesa namin matapos kong sabihin sa mga kasama ko ang sitwasyon ko ngayon. Lahat ay nagulantang maliban kay Terrence. Hindi sila makapaniwala na ganoon kalaki ang sinekreto ko sa kanila sa loob ng apat na buwan.

" So, sino 'yong ama? " tanong ni Jana matapos ng ilang minutong katahimikan. Mukhang hindi pa nga nag s-sink in sa kaniya ang lahat dahil lukot pa rin ang hitsura ng mukha niya.

" Hindi ko pa masasabi sainyo kung sino siya. Baka kasi maging uncomfortable at awkward sa opisina kapag nalaman niyo kung sino siya. "

" Ha? So, ibig mong sabihin, nasa company natin 'yong lalake? " Takhang tanong ni Ruiz. " Sino doon? Saang department? "

" Hindi ba si Terrence? " sunod na tanong ni Jana saka tumingin kay Terrence. " Hoy, baka ikaw 'yong lalake ha? Aminin mo na. "

" Jana, hindi si Terrence, " saad ko, " Hindi ko pa puwedeng sabihin sainyo kung sino siya dahil hindi ko pa rin nasasabi sa kaniya 'yong tungkol dito. "

" Bakit hindi pa? Anong hinihintay mo? " ta