Kabanata 58

Nagtungo si Lalaine sa bahay ng kaibigan niyang si Aika matapos mag-lunch ang kasama niyang nobyo, agad niyang hinanap ang kaibigan sa loob ng bahay nang makapasok ito agad.

“Aika! Aika!” tawag niya sa kaibigan nang makitang bukas ang pinto ay pumasok siya sa loob at kumatok sa silid ng kaibigan.

“Aika!” sigaw niya, muli siyang kumatok sa pinto ng silid.

Naghihikab pang nagbukas ng pinto si Aika, “Lalaine? Paano ka nakapasok dito?” nagtatakang tanong ng kaibigan.

“Bukas ang pinto kaya pumasok na ako,” umiikot ang mata ni Lalaine na tila may hinahanap, “nasaan si tita?” dagdag niya nang hindi niya makita si Soledad.

“Hindi ko rin alam, akala ko nga ay narito siya. Basta nagising na lamang ako na si Gio na ang nag-aasikaso sakin,” masaya niyang kwento. Natutuwa ang dalaga dahil tumutulong na si Gio sa mga gawain sa bahay.

Biglang naalala ni Lalaine ang dahilan ng pagdalaw niya sa kaibigan kaya nais niyang kausapin ito, “siya nga pala, nagpunta ako dito para tingnan ang lagay mo. Mabuti