Kabanata 64

Naglalakad si Soledad sa labas ng subdivision nang matanaw niya ang binatang si Sandro sa labas ng bahay nila, “Oy! Ikaw! Anong ginagawa mo dito?” sigaw niya habang papalapit sa binatang mukhang kawawa.

Minasdan niya ang kasuotan nitong kulay puti at natitiyak niya kung ano ang nangyari, “tumakas ka siguro sa kasal mo, ano? Kaya ka naparito para…” napaisip si Soledad, “para gamitin ang anak ko!” bintang niya.

“H-hindi po, tita. Hindi na ako tumuloy ng kasal dahil mahal ko ang anak niyo,” pagpapakumbabang pag-amin ni Sandro.

Nakapamewang si Soledad habang nakatitig sa binata, “hindi na ako naniniwala sa iyo, umalis ka na dito kung ayaw mong ipakaladkad kita sa guard,” pagbabanta niya. Masama ang loob ni Soledad dahil naniwala siyang maganda ang hangarin ni Sandro sa kanyang nag-iisang dalaga pero ‘yun pala ay pagpapanggap lamang ang lahat ng ito, hindi pa nakakaalis si Sandro nang humahangos na lumabas si Oliver at Gio.

“Nay! Si ate nasa balita!” sigaw ni Oliver.

“E, nasa balita naman