Kabanata 65

Pinindot ni Lalaine ang profile ni AJ, nanlaki ang mga mata niya nang bumulaga sa kanya ang milyong followers nito sa social media at ang nagpataas pa ng kilay niya ay ang biglang pagsikat nito bilang isang modelo sa Paris.

“Totoo ba ito?” bulalas niya, naagaw niya ang atensyon ng kaibigang si Aika, “ano ba ‘yang kanina mo pa tinitignan, Lalaine?” usisa ni Aika dahil curious din siya sa kung anong tinitignan ng kaibigan.

Itinapat ni Lalaine ang kanyang cellphone sa harap ng mukha ni Aika, “hindi ba nakakapagtaka naman ang biglang pagsikat niya sa ibang bansa?”

“Oo nga, no? Pero bakit ka pa magtataka? Mayaman naman ang pamilya ni AJ kaya sure akong may ginawa ang mga iyan,” alam ni Aika ang history kung paano biglang sumikat si AJ na modelo sa ibang bansa dahil napakaraming articles ang nabasa niya tungkol sa dalaga. Alam niya ring maraming mga tumulong kay AJ dahil pumapabor ito sa namayapang ama ng dalaga kaya karamihan sa kanila ay pinilit at ginawa ang lahat ng makakaya mapasikat l