Kabanata 72

Hindi maalis sa isipan ni Aika ang kinuwento sa kanya ng kaibigan habang pauwi siya sa kanilang tahanan, malakas ang kutob niyang nagsisinungaling lamang si Soledad sa kanila kaya wala siyang kahit anong ikinukwento sa kanila. Matagal nang gustong makita ni Aika ang larawan ng ama pero palaging itinatanggi ng ina na may larawan pa siya nito. Dali-daling pumasok ng bahay si Aika, natagpuan niya si Gio sa sala ng kanilang tahanan na nanunuod, “nasaan si mama?” tanong niya.

“Kanina pa umalis, ate, hindi pa nakakabalik,” narinig niyang tugon ng kapatid. Pumasok si Aika sa loob ng silid ng ina at iginala ang kanyang mata sa loob ng silid, hindi na niya mahintay na makausap ang ina kaya siya na mismo ang hahanap ng larawang dekada na niyang hinihingi sa ina.

Inisa-isa niya ang mga drawer ng damit ng ina, ilalim ng kama at unan, mga singit-singit ng kwarto halos ibaliktad na niya ang kwarto pero wala siyang makitang larawan kahit saan.

Napalingon si Gio sa loob ng bukas na silid ng ina dahil