Kabanata 62

“Sino ito? Anong kinalaman mo sa pagkamatay ni tiya Mercy?” tanong ni Juaquin.

“Maaari ba tayong magkita, Mr. Cristobal para sabihin ko sa’yo ang lahat ng nalalaman ko at maibigay ko sa’yo ang ebidensiyang hawak ko,” suggest ng ginang.

“Bakit hindi tayo ngayon magkita?” tanong ni Juaquin, “wala naman akong gaanong gagawin ngayon,” dagdag pa nito. Gusto na talaga niyang mahuli ang kriminal para mapagbayaran na nito ang ginawa niyang walang kapatawaran sa ina ni Lalaine, ayaw na rin niyang ilihim pa ang totoo sa kanyang nobya dahil hindi na niya kaya pang itago ito sa nobya.

“Hindi maaari, nasa Paris ako,” pag-amin nito sa kanya.

Nagtaka si Juaquin kung paanong umabot sa Paris ang may alam sa nangyari sa kanyang ina, isa lamang ang pumasok sa kanyang isipan at iyon ay naroon si AJ.

“Sige. Kailan mo gustong makipag-usap sa akin para maipa-schedule ko na sa secretary ko?” malakas ang kutob niya na maaaring may kinalaman dito si AJ pero hindi pa niya ito makumpirma hanggang wala pang