Book 2: Chapter 12-Kutob

Patakbong bumalik si Diana sa kaniyang silid nang wala na ang mga bisita. Dumiritso siya sa banyo at agad inilabas ang kanina pang pinipigilan na pagsusuka. Habang tumatagal ay napapadalas na ang pagsusuka niya. Kailangan na niyang magmadaling makaalis sa bahay ng abuelo.

Agad na sinundan ni Meashell ang dalaga. Nag aalala siya at mukhang naapiktohan na rin ang katawan nito dahil sa pagbubuntis.

"Ate Meashell, sa tingin mo ay hindi nakakahalata si Lolo sa kalagayan ko?" nag aalalang tanong ni Diana.

"Iyan ang ipinagdadasal ko lagi."

Napangiti si Diana at niyakap ang babae. Kung wala ito ay tiyak na wala siyang ibang masasandalan. Nag isip siya ng paraan upang makalabas ngayong araw. Kailangan niyang lumabas upang makain ang gusto. Hangga't hindi niya kasi nakakain ang maasim na pagkain ay patuloy siya sa pagsusuka.

Sa sala, napangisi si Vincent matapos maibaba ang tawagan.

"Ano na po ang next na plano, lolo?" tanong ni Vans pagkalapit sa abuelo.

"Maghanda dahil darating sila mamaya