Book 2: Chapter 14-Lihim na kasunduan

"Mauro, huwag ka nang magalit sa kaniya. Ako na lang ang mag adjust upang hindi masira ang pagkakaibigan natin." Kumapit siya ng husto sa braso ni Mauro at umaktong natutumba.

"No, dapat ngayon pa lang ay alam niyang hindi ka niya puwedeng ganitohin kung gusto niyang maging maayos ang pagsasama namin sa hinaharap!" matigas na turan ni Mauro.

Mariing naglapat ang mga labi ni Diana at pilit pinaalala sa sarili na hindi dapat siya masaktan. Hindi dapat siya magalit at ma dissapoint kay Mauro. Hindi niya kailangan magpaliwanag at hayaang ganoon na lang ang tingin sa kaniya. Alam naman niyang hindi siya paniwalaan kaya hindi na dapat siya maglabas ng emosyon. Blangko ang expression na ipinukol niya sa dalawa at nanatiling tikom ang bibig.

Lalo lamang nairita si Mauro nang manatiling tahimik si Diana at hindi mabasa kung ano ang nasa isip nito. Inakay na niya ang kaibigan palabas ng dining room at iniwan si Diana.

Kakaibang ngiti ang pumaskil sa labi ni Denise nang lingunin niya si Diana