Book 2: Chapter 18-Kasiyahan

"Oh, kumain ka na nito upang mawala na ang sama ng loob mo." Ibinigay ni Meashell ang isang hiwa ng mangga sa dalaga habang naglalakad sila papuntang entrance.

Agad na sinubo iyon ni Diana. Hihingi pa sana siya ng isa nang mapansin ang dalawang taong nakatingin sa kaniya. Dahan-dahan na lang niyang ninguya ang ang nasa bibig at nagpatuloy sa mabagal na paghakbang.

"Hinihintay ba nila tayo?" pabulong na tanong ni Meashell kay Diana.

Nagkibit balikat si Diana habang tuwid na nakatingin kay Mauro. Hindi naman nito nakikita ang mga mata niya dahil dark shade ang suot niya. Nakakunot na naman ang noo nito habang nakatingin sa kaniya. Puno pa naman ang bibig niya ng mangga at ayaw niyang maubos agad iyon. Ninanamnam pa kasi niya ang katas ng mangga. Umangkla siya sa braso ni Meashell at nang malapit na sila kina Mauro ay nagmadali nilang nilampasan ang mga ito.

"Where are you going?" matigas na tanong ni Mauro kay Diana.

"Home." Parang ngongo niyang sagot sa binata dahil may laman pa ang b