Book 2: Chapter 2-Bagong pag-asa

Bumalik sa kasalukuyan ang isip ni Diana nang marinig ang pagbukas ng pintuan. Lalo niyang niyakap ang sarili sa takot nang makitang kapatid ang pumasok.

"Hindi ko kasama si Lolo."

Nabawasan ang takot niya nang marinig ang sinabi ng kapatid.

"Sa sunod na lingo ay lalabas ka na dito at kailangan mong gawin ang iutos sa iyo ni Lolo."

Umiling si Diana habang yakap pa rin ang mga tuhod. Mas gustohin na lang niyang mamatay ngayon kaysa at gawan ng masama ang pinsan at si Mauro. Pakiramdam niya ay nag iisa na lang siyang lumalaban sa buhay. Walang nagmamahal at ayaw niyang mamatay na galit sa kaniya lahat ng tao, lalo na si Mauro.

Napatiim bagang si Vans dahil sa katigasan ng ulo ng kapatid. Kung kasama niya lang ang abuelo ay tiyak nasaktan na naman ito ng matanda. Hindi niya akalaing ganoon katindi ang pagmamahal nito kay Mauro at handang isakripisyo ang sarili para sa lalaking iyon.

"Kapag nagmatigas ka pa, mapilitan si Lolo na patayin ang lalaking iyon!"

Hintakutang nag angat ng tingin