Book 2: Chapter 10- Muling pagkikita

Matapos magsalita ni Stella sa gitna ng intablado ay masigabong palakpakan ang umalingawngaw sa paligid, hanggang sa unting-unting humina ingay.

Ang ngiting nakapaskil sa labi ng mga taong nakatingin kay Stella ay unting-unting napalis at napalitan ng pagtataka, nilingon ang taong na siyang natitirang pumapalakpak. Kusang humawan ang gitnang banda upang makita ang taong nakatayo sa likuran na siyang patuloy sa pagpalakpak.

Mabilis na tumabi si Charles sa asawa nang makita si Vincent na siyang agaw pansin sa spotlight na para sa asawa niya. Mukhang sinadya nitong magpahuli ng dating at ang ganda ng ngiti habang marahang pumapalakpak pa rin.

"Sorry at late ang dating ko. Congratulations to our new chairman!" Idinipa pa ni Vincent ang mga kamay habang nakangiting nakatitig kay Stella.

Ngumiti si Stella at nilapitan ang matanda. "Thank you so much! Ang akala ko po ay hindi na kayo darating upang ipakita ang suporta sa akin." Makahulugang turan ni Stella sa matanda.

"Hindi mangyayari iyan