Book 2: Chapter 6-Conference room

Parang nabunutan ng tinik sa buong katawan si Diana nang lumapat ang likod sa malambot na kama. "Thank you!" Malungkot na ngumiti siya kay Meashell.

Tikom ang bibig na ngumiti si Meashell sa dalaga. Awang-awa talaga siya dito at alam niyang may panibagong haharapin ito kapag hinayaan nang makalabas ng bahay. "Iwasan mong mahawakan ka sa pulso ng doctor kapag sinuri niya ang katawan mo."

Tumango si Diana nang marinig ang bulong ng kaibigan. Ilang sandali pa ay dumating ang doctor kasama ang abuelo. Sinuri nito ang sugat niya sa likod pati ang temperature ng kaniyang katawan.

"Ilang araw pa at matuyo na ang sugat niya. May cream akong dala na panglagay sa naiwang peklat ng sugat niya upang hindi halata kapag lumabas na siya. Ang mga antibiotics ay kailangan niyang patuloy na inumin upang maiwasan ang infections."

"Narinig mo ang sinabi ng doctor?" Kausap ni Vincent sa apo.

Mabilis na tumango si Diana sa abuelo at nagpasalamat sa doctor. Hahawakan sana siya sa kamay ng doctor ngunit mab