Chapter 21-Mapagparusang halik

"Huwag kang mag-alala, ibabalik ko kay Lolo ang singsing. Nakalimutan kong siya ang nagbigay niyon sa akin."

Bumuka ang bibig ni Charles ngunit muli ring naitikom. Hindi niya mabigkas ang laman ng isipan at pinangungunahan na naman siya ng kaniyang ego.

"Marahil ay ang singsing ang hinihintay mo para mapakasalan na si Elizabeth."

"Kaya ko siyang pakasalan kahit wala ang singsing na iyan!"

Gustong tumikwas ng kilay niya nang mapansing nag-igtingan ang panga ng binata. Hindi niya alam kung ano ang ikinagagalit nito at may diin pa ang bawat salitang namutawi sa bibig nito.

"Okay, hindi naman pala dapat ako makunsensya kung nakit hindi pa kayo kasal. Ang alahas ay puwede mong kunin kung nanghihinayang kang mapunta sa katulong. Pero ang mga damit,bag at sapatos, hayaan mo na sanang mapunta kay Marimar."

Lalo lamang napatiim bagang si Charles. Parang wala lang kuwenta para sa dalaga ang mga gamit nito. Talagang ipinamumukha nito sa kaniya ngayon na hindi na mahalaga ang lahat na may kaug