Chapter 24-Takot sa sariling damdamin

"Lolo, matulog na po kayo at titingnan ko rin si Charles bago tumuloy sa silid ko."

Nakangiting pumikit na ng mga mata si Ramon bago nagpasalamat sa dalaga. Matutulog siyang umaasa na bukas ay may magandang result ang ginawa niya ngayon.

Nang masiguro niyang tulog na ang matanda ay lumabas na si Stella. Naghihintay sa labas ng bahay si Alex at dala ang gamit na kailangan niya.

"Ma'am, hinahanap ka sa akin ng abuelo mo." Nakayuko ang ulo ni Alex sa harapan ng dalaga.

"Tatawagan ko siya," ani Stella habang kinukuha ang tamang laki lang na bag mula sa personal bodyguard niya.

Muling yumuko si Alex at nagpaalam na sa dalaga. Ito lang ang maganda sa pamilyang pinagsisilbihan, hindi sila pinipilit magsalita ng kapamilya tungkol sa impormasyon ng pinagsisilbihan nila.

Mula sa terrace ay napahigpit ang hawak ni Charles sa kopitang may lamang red wine. Nakikita niya si Stella at kausap ang lalaking dahilan ng kanilang paghihiwalay. Pero nangunot ang noo niya nang magyuko ng ulo ang lalaki