Chapter 26-Hospital

Hindi na nabura ang ngiti sa labi ni Ramon hanggang sa makalabas ng bahay. Masaya siyang nakikitang magkasama ngayon ang dalawa.

"Lolo, ayos lang po ba kayo?" Malambing na tanong ni Sophie sa abuelo.

Ngumiti si Ramon sa dalaga. Masaya rin siyang nakikitang hindi na nito inaaway si Stella.

Tumabi si Sophie sa abuelo at ayaw niyang maagaw muli ni Stella ang atensyon nito . Pero dahil sa ginawa niya ay sa kapatid naman niya ito napatabi sa unahan ng sasakyan. "Wala naman si Elizabeth," bulong niya sa sarili. Ang mahalaga ay nasa kaniya ang atensyon ng abuelo.

Tahimik lang si Stella sa kinaupuan at inabala ang sarili sa cellphone. Natanggap niya ang selfie picture ng anak habang nag-aalmusal ito. Napangiti siya bago nagtipa ng reply sa yaya ng kaniyang anak.

Napahigpit ang hawak ni Charles sa manubela nang makitang abala si Stella sa cellphone nito. Mukhang ang asawa nito ang kausap.

Pagdating sa hospital, tahimik na sumunod lang si Stella sa dalawang magkapatid na nagtutulak sa wheelchai