Chapter 76-Panunukso

Pabagsak na itinukod ni Vincent ang tungkod nang mapanood ang buong kuha sa event. Blangko ang kuha sa ibang parte ng naturang hallway. Ang tanging nakikita sa video ay kuha sa loob lamang kung nasaan ang lahat. Pero obvious na may ginawa si Charles. Ilang beses nila itong nakitang may tinanguan pero hindi nakikita kung sino sa tauhan nito ang naroon.

"Lolo, talagang inalam ni Charles kung sino ang kailangan e time out," ani Vans habang nakatutok sa screen monitor.

"Ang nakapagtaka ay kung paano niya nalaman na mahalaga ang singsing na iyon?" salubong na ang mga kilay ni Vincent.

Nakagat ni Diana ang ibabang labi at hindi magawang tumingin sa kapatid at abuelo nang mapatingin ang mga ito sa kaniya. Kasalanan niya talaga ang lahat. Nanghingi siya ng payo kay Charles noon at nabanggit nito ang tungkol sa singsing. Ito ang nagsabi na magandang ilagay niya sa auction ay isang singsing.

Napabuntonghininga si Vans nang makita ang reaction sa mukha ng kapatid. Ayaw niyang mabaling muli ang