Chapter 78-Comprontation

Sinasabi ko na nga ba at nasa hayop na iyon ang singsing!" Nangangalit ang ngipin ni Fausto at gustong sakalin ang pinsan kung nasa harapan lang.

"Ano na po ang plano niyo ngayon, Senyor?" tanong ni Leonard sa ginoo.

Ngumisi si Fausto habang pinakatitigan si Charles na nasa video. Pinapahanga na talaga siya ng lalaki. Hindi niya akalaing malaman nito ang tungkol sa singsing na pinahahanap niya. "Nasaan na ang apo ko?"

"Kasama niya po ngayon ang anak niya at doon siya matutulog."

"Gusto kong makausap si Charles ngayon din."

"Right away, senyor!" Agad na hinugot ni Leonard ang cellphone na nasa pocket ng suot na coat.

Napangisi si Charles nang makita kung sino ang tumatawag. Inaasahan na niya iyon. Kahit gabi na ay pinatawag pa rin siya ng matanda at hindi makapaghintay ng bukas. Hindi pa rin naman siya nakapagbihis. Nagsuot lang siya ng jacket at nagpasyang umalis.

Pagdating niya sa mansyon ay nasa sala na ang matanda at hinihintay siya. Gumala ang tingin niya sa paligid at hinahanap