Chapter 85-Pang-aakit

"Sir, kanina pa po kayo hinihintay ni Senyor." Salubong ni Rhea kay Charles.

Tumingin muna si Charles sa suot na relo bago tinanaw ang silid ng abuelo. Wala sana siyang balak umuwi ngayon dahil iniiwasan niyang mapag usapan si Stella. Ngunit napilitan siya ngayon umuwi dahil ayaw umano uminum ng gamot ng matanda.

Matigas ang anyo na nilingon ni Ramon ang apo. Tama nga si Stella, halatang ilang gabing walang tulog ang apo niya at nagmukha na namang ermitanyo.

"Lolo, ano ang problema at ayaw niyo pong uminum ng gamot?" mahinahon na tanong ni Charles sa abuelo.

"Ano ang ginagawa mo at napapabayaan mo na naman ang sarili mo?" galit na sita ni Ramon habang sinusuri ng tingin ang kabuuhan ni Charles.

Mukhang pagod na umupo si Charles at ipinikit ang mga mata. "Lolo, hindi po ako magtatagal at may dinner meeting ako ngayon."

Umingos si Ramon at pinagulong ang wheelchair na kinaupuan palapit sa apo. "Meeting o date?"

Nagmulat siya ng mga mata at sinalubong ang nang-aarok na tingin ng abuelo