Chapter 93-Tukso

"Sir, hayaan niyo na pong gamutin ni Doc ang sugat mo at mukhang diyan natakot si Ma'am Stella." Udyok ni Roy sa amo at kanina pa siya napapangiwi sa tuwing nakikita ang duguang kamay ng amo.

Napabuntonghinga si Charles bago nilingon ang dalaga. Nagkaroon ng mantsa ng dugo ang damit nito dahil sa pagbuhat niya kanina. "Mag order ka online ng damit at kailangan niyang mapalitan ng suot bago pa siya magising."

Napakamot si Roy sa ulo at hindi makapaniwalang napasunod ang tingin sa amo. Siya pa talaga ang inutusan nito sa pagpili ng maisuot ng nobya nito.

"Ako na ang o-order."

Nakahinga nang maluwag si Roy nang dumating na si Dr. Jenny. Ang amo ay sumunod na sa ama ng doktora upang gamutin ang likod ng palad nito.

Naiiling si Jenny matapos matingnan ang pulso ni Stella. Tulog pa rin ito at hinayaan na muna upang makapagpahinga ng maayos.

"Bakit hindi pa rin siya nagigising?"

Nakasimangot na nilingon ni Jenny ang kaibigan dahil nakasampung tanong na yata ito sa kaniya. "Kailangan ng bu