Chapter 96-Tears of joy

Inilapit pa ni Zion ang mukha sa camera nang masilayan ang mukha ng isang lalaking kamukha niya. "Daddy!"

Sumikdo ang puso ni Charles at kusang pumatak ang luha sa mga mata. Napaiyak siya dahil nasilayan na niya ang mukha nito at mukhang excited pa itong nakita siya. Mukhang kilala na siya nito kahit ngayon lang nakausap at sa video call pa.

"Daddy, aren't you happy to see me?"

Mabilis na pinunasan ni Charles ang luha sa mga mata at umiling, " no, anak. Tears of joy ang luha kong ito dahil nakita na rin kita. Patawarin mo ang daddy kung ngayon lang kita nakausap at hindi pa kita madalaw." Namaos ang boses niya dahil namamalat ang lalamunan sa pagpigil ng iyak.

"I understand po, daddy! You look handsome po like me!"

Tumawa si Charles kasabay nang pagsinok. Ang daldal ng anak niya at mukhang nagmana sa ina. Muli siyang napangiti at biglang nasabik na mayakap ang anak at mahalikan.

Napabuntonghininga si Fausto at biglang naawa kay Charles. Bakas sa mukha nito ang pagkasabik na mayakap