Chapter 90-Sabwatan

Nagising si Charles na wala na sa tabi niya si Stella. Hinanap niya ito sa loob ng silid ngunit hindi makita.

"Sir, kanina pa po nakaalis si Ma'am Stella at binilin niyang sabihin ko sa iyo."

Nilingon ni Charles si Rhea na siyang nagsalita. "Sinabi ba niya kung saan siya pupunta?"

"Hindi po pero ang sabi ay tatawagan ka niya."

Tinanguan lang ni Charles ang nurse saka tiningnan ang abuelo bago maligo. First time niyang tinanghali ng gising. Kailangan niya ring pumunta sa opisina dahil may aayusin pa sa pinagagawa kay Diana.

Sa kabilang banda, napangisi si Elizabeth matapos maipasa kay Diana ang litratong kuha ng kaniyang tao. Gumamit siya ng ibang account at siniguro na hindi siya makilala bilang sender ng litrato. Hahayaan niyang ang magpinsan ang magkagulo at magkasiraan.

Napangiti si Diana nang makita ang larawan. Hindi na siya nag abalang alamin kung sino ang nagmagandang loob na siyang nagpasa ng larawan. Tama lang na nasa opisina na siya ni Charles at halatang mainit ang ulo ni