Chapter 84- Possessive

Tumikhim si Charles nang mapansin ang palitan ng tingin ng dalawang babae. Nang tumingin sa kaniya si Stella ay nag iwas siya ng tingin. "Importante ba ang kailangan mo sa akin, Ms. Stella?"

"Sa tingin ko ay hindi ka available mamayang gabi."

Nangunot ang noo ni Charles sa tinuran ni Stella. Si Diana ay natigilan at nagtatanong din ang tingin sa pinsan nito.

"Stella, pumayag na si Charles. Kung may balak ka ring anyayahan siya ay puwedeng sa ibang araw na at—"

"Puwede mo ba kaming iwan muna?" Putol ni Charles sa pagsasalita ni Diana.

Sandaling natigilan si Diana at saka nagsalita." Asahan ko ang pagdating mo mamaya, Charles." Ngumiti siya sa binata bago lumabas ng opisina.

Nang magsara ang pintuan ay saka hinarap ni Charles si Stella. Bago pa niya maibuka ang bibig ay nagsalita na ito.

"Kung ano man ang iniisip mo tungkol sa larawan namin ni Mauro ay nagkamali ka."

Nangunot ang noo ni Charles at nagtaka kung paano nalaman ng dalaga ang tungkol doon.

"Alam kong may palihim na sumusun