CHAPTER 18

Ilang oras lang ang tulog ko pero ayos na rin na kahit papaano ay nakatulog ako. Alas-sais na ng umaga at sobrang antok na antok pa ako. Kumusta na kaya siya? Sisilip muna ako sa kuwarto niya.

Pagsilip ko sa kuwarto niya ay wala siya roon. Bumaba ako sa first floor pero ni anino niya ay hindi ko nasilayan. Nasaan kaya siya?

Magluluto at maglilinis nalang muna ako. May sari-saring gulay dito kaya pinakbet nalang ang iluluto ko.

Nagsaing muna ako bago nagluto ng ulam, kumain na rin agad ako para may energy para sa mga gagawin ko pa ngayong araw. Nagwalis-walis ako pagkatapos kumain, nagligpit ng mga ililigpit, at naglinis ng mga lilinisin.

Gusto ko kasi na laging malinis at maaliwalas ang bahay dahil nakagagaan kasi ng pakiramdam at para na rin mas maka-attract ng good vibes.

Kasalukuyan akong nagliligpit ng mga iilang kalat sa backyard nang may narinig akong nag-uusap sa loob ng bahay.

Boses niya at boses ni?

Nang pumasok na ako sa loob ng bahay ay hindi ko sila nakita sa first f