Chapter 11.2

Katulad sa pagsisimula nito sa kanyang kwento, inobserbahan ni Rosie ang matanda kung may alam ba siya sa dati nitong asawa. Tinitignan niya kung may alam ba ito sa pagkabampira nito sa pamamagitan ng pagtitig niya sa kanyang mata. Ngunit mukhang magaling magtago ang matanda ng sekreto dahil ni isang reaksyo'y walang nakuha si Rosie. Ganun pa rin ang kanyang ekspresyon kahit na pilit pinapakiramdaman ng dalaga ito. Sa hindi mawaring dahilan, wala siyang maramdamang kakaiba sa kanya.

"Alam niyo ba ang naging katapusan ng kwento?" pagtatanong ni Rosie na umalis sa pagkakasandal. Tumagilid pa kaunti ang ulo nito't pinagmasdan ang buong mukha ng matanda. "Sa huli, nawala sa lahi ng mga bampira ang angkan na iyon. Nakakatuwa lang dahil tama lang sa kanilang mamatay. Dahil dapat parusahan ang mga katulad nilang walang tamang nagagawa sa mundong ito. Kung tutuusin, napakagaling ng sumulat ng kwentong iyon. Alam niyo kung bakit?" Sinandal ni Rosie ang kanyang ulo sa kamay nitong n