Chapter 11

May ngiting pumasok si Nicklaus at Rosie sa loob ng kumpanya nila Claude. Ngayong araw na ito ang isang espesyal na event para sa bagong promotion ni Rosie bilang model ng kumpanya. Nakadalo ang lahat at halos lahat ng atensyon ng mga reporters ay nasa dalawang papasok sa loob ng gusali.

Nakapulupot ang kamay ni Nicklaus sa bewang ng kasintahan habang papasok sa loob. Nakangiti namang binabati ni Rosie ang mga sumasalubong sa kanila. Huminto lamang ang dalawa nang makasalubong nila ang mag-asawang Claude at Kourtney.

"A pleasant morning, Mr. and Mrs. Montreal," nakangiting bati ni Rosie sa dalawa.

Kahit naiinis si Kourtney, tanging pilit na ngiti ang sagot niya rito bago ipulupot lalo ang kamay niya sa braso ng asawa. Si Claude nama'y hindi maalis ang tingin sa kamay ni Nicklaus, na sa isip niya'y siya lang dapat ang nakakahawak ng ganyan sa dalaga. Magmula kasi noong huli nilang pag-uusap sa isla, napag-alaman na lamang ng lalaki na umalis na sila kina