Chapter 13.2

Napahilamos sa mukha si Claude ng maalala ang nangyari. Hindi niya kilala ang mga lalaking nanakit sa kanya dahil ngayon niya lang sila nakita. Ngunit hindi maalis sa isipan niya ang mata ng sumakal sa kanya mismo. Hindi niya alam kung nagha-hallucinate lang ba siya o ano, pero nakita niyang unti-unting naging pula ang mata ng lalaki kanina bago siya mawalan ng malay.

"Claude..." pagkukuha ni Rosie ng atensyon nito na kanyang ikinalingon sa kanya.

Mahabang buntong hininga ang pinakawalan bago ngumiti. "Ayos lang, masyado lang akong pagod. Salamat pala sa pagpunta mo rito sa akin. Don't worry, ayos lang ako," paniniguro niyang sagot na ikinangiti kaunti ng dalaga.

"Kung ganun, mauuna na ako. Huwag mong pagudin ang sarili mo at ku--" hindi natapos ni Rosie ang sinasabi sa pagyakap sa kanya nito.

"I missed you..." may ngiti sa labing sabi ni Claude. Gusto niyang tanungin ang nangyari sa engagement party, ngunit ayaw niya itong itanong dahi