CHAPTER 24

ALIYA'S POV

Paggising ko ay takipsilim na.

Nag-inat na ako ng aking katawan at bumaba na sa kama.

Hinimas ko ang aking tiyan nang tumunog ito.

Nag-ayos na muna ako ng aking sarili at pagkatapos ay lumabas na ng kuwarto.

Nadatnan ko sina Nanay Elsie sa kusina na naghahanda na para sa hapunan.

"Anak, nagugutom ka ba?" tanong ni 'Nay Elsie nang makita niya ako. Tumango-tango ako.

Paghahandaan na niya ako ng pagkain nang dumating si Jacobe. Andito na yata sila. May dala itong iba't-ibang klase ng pagkain na binili niya sa labas.

Tinungo namin ang sala at doon kumain. Nagtawag ako ng ibang kasamahan ni Jacobe pero tumanggi sila.

Una kong kinuha ang slice ng pizza. Nanlaki ang mga mata ko nang malasahan ito. Sobrang sarap. Mabilis kong naubos ito at kumuha ulit ng isa. Sinabi ni Jacobe na para raw talaga ito sa akin sa oras na magising ako. Perfect timing.

"Dahan-dahan lang, Liya. Wala namang mang-aagaw niyan sa 'yo," natatawang turan niya. "Sa 'yo ang lahat ng 'yan."

Kukuha na sana ak