CHAPTER 25

ALIYA'S POV

"Gusto mong sumama?" tanong ni Gavin sa akin nang magkasalubong kami.

"Saan?" seryosong tanong ko. Pero sa aking kaloob-looban ay napapangiti ako dahil sa tingin ko ay mamamasiyal kami.

"Lalabas lang tayo," walang emosiyong sagot niya. Mukhang mamamasiyal nga kami.

"Saan nga?" naiirita kong tanong. Kunwari naiinis ako para sabihin na niya.

"Kung ayaw mo eh 'di huwag."

Tatalikod na ito nang hawakan ko ang kaniyang kamay.

"OA nito. Sasama na nga eh," sambit ko. Mukhang hindi tumalab ang pagpapanggap ko ah.

Nagbihis na ako at dali-daling lumabas ng bahay. Nadatnan ko si Gavin na nakasandal sa pulang sasakyan. Ito ang magarang kotse na nakita ko noon.

Nakangiti ako habang lumalapit sa kaniya.

"Masyadong halata na excited ka ah." Bahagya itong natawa. "You are not good at hiding your emotions."

Binuksan niya ang pulang sasakyan at sinenyasan akong sumakay na.

Naiilang na sumakay ako. Ito kasi ang unang beses na makakasakay ako sa ganito kagandang sasakyan.

Sumakay na rin si G