"STARGAZING"

NAGING masaya ang hapunang iyon. Tatlo lang kami kung tutuusin pero nagawa naming punuin ng tawanan ang buong kusina na umaabot pa sa buong kabahayan.

Tinulungan kong magligpit ng pinagkainan si Aling Lourdes.

Sa totoo lang kahit iyon ang unang pagkakataong nakilala ko siya at nakasama ay talagang magaan ang loob ko sa kanya. At malakas ang pakiramdam ko na magkakasundo talaga kaming dalawa.

Marami siyang ikinuwento sa akin tungkol kay Marius. Pero hindi ang mga babaeng pwedeng nagdaan sa buhay ng nobyo ko. Bagay na mas curious ako at gusto kong marinig mula sa ginang.

“Hindi ba dito natutulog si Aling Lourdes?” tanong ko nang magkatabi na kaming nakaupo ni Marius sa isang mahabang bench na nasa veranda ng kwarto niya.

Madilim na ang kalangitan noon. Maraming bituin at bilog na bilog ang buwan. Masarap mag-stargazing. At masarap gawin iyon kasama si Marius.

“Hindi eh. May bahay siya, hindi naman malayo dito,” sagot ni Marius na hinawakan ang ulo ko saka iyon maingat na inihilig sa bal