Chapter 28

Nagising ako kinaumagahan dahil sa ingay sa kabilang kwarto. Nakita kong tulog na tulog pa si Gavin sa tabi ko. Mataas na ang sikat ng araw na tumatagos sa manipis na kurtinang tanging panakip sa bintana ng kuwarto. Lumabas ako ng kuwarto namin ni Gavin at saka ko binuksan ang kabilang kuwarto kung saan ko narinig ang ingay.

"Fvck you, Finnral! H'wag mo akong matawag-tawag na pre!" sigaw ni Xavier pagkabukas ko ng pinto. Pareho silang napatingin sa akin.

Nakaupo sa kama si Finnral habang gulat na nakatingin sa akin. Si Xavier naman ay nagmamadaling magsuot ng pantalon. Napansin kong nasa sahig ang mga damit ni Finnral pati ang boxer niya at tanging ang puting kumot lamang ang tumatakip sa pangbaba niyang katawan. Nanlaki ang mga mata ko kaya agad kong isinara ang pinto ng kuwarto. Biglang bumalik sa ala-ala ko ang nangyari kaninang madaling araw.

"Maniwala ka sa akin, Xavier. Wala nga akong maalala! Ano naman kung nakahu